Kutafakari kutoka Mdo 1, 1-11; Waef 1, 17-23; Lk 24, 46-53
Tunasherehekea kupaa kwa Bwana
wetu Yesu Kristo. Yeye alifanya kazi miongoni mwa wanadamu kwa miaka mitatu.
Kupaa ni hitimisho ya kazi yake, lakini anaendelea kwepo ulimwenguni kupitia
Roho wake. Basi, sikukuu hii inatufafanulia fumbo la kuaga na uwepo wa Yesu kwa
sababu yeye hakumwacha Baba alipokuja kwetu na hakutuacha alipomrudia Baba.
Kupaa kwake kunaongea kuhusu njia mpya ya uwepo wake miongoni mwetu, kutangaza
hatua mpya ya kazi yake. Huu ni wakati wa Kanisa, jumuiya ya wanafunzi wa Yesu.
Ujumbe muhimu kuhusu hali hii ni wazi sana katika maandiko mawili ya Luka,
yaani, Injili na kitabu cha Matendo ya Mitume. Katika Injili anajulisha vitendo
vya Yesu, na katika Matendo ya Mitume anajulisha vitendo vya wanafunzi wake
waliosaidiwa na Roho wake Mtakatifu.
Kuonekana kwa Yesu kwa muda fulani kuwaimarisha
wanafunzi wake kugundua tena maana ya uanafunzi, wakishinda hofu na mashaka
kuhusu hali ya ufufuko wake. Uzoefu huo ulikuwa mpya sana kwao naye Yesu
alifahamu kwamba alipaswa kuwa na utulivu kwa sababu ya imani yao ndogo. Mwendo
ulikuwa wa muda mrefu, lakini wenye ufanisi sana, ukisababisha mabadiliko
makubwa maishani mwa wanafunzi, yaani, kutokana na uzoefu wa wanaume wenye hofu
kuwa mashahidi wenye ujasiri. Katika maneno ya mwisho kwao, Yesu aliwasaidia
kufahamu uhusiano kati ya yale aliyoyatenda na kufundisha na yale yaliyoandikwa
na manabii wa zamani. Habari ya toba na ondoleo la dhambi linapaswa kuwa
umuhimu wa ujumbe wa waliotumwa kwa jina la Yesu aliye uso wa huruma ya Mungu
Asiyeonekana. Uzoefu wao pamoja na Yesu uliwawezesha kuwa wanafunzi wa kweli,
lakini walipaswa kuingojea nguvu kutoka juu ili waweze kuwa mashahidi wa Bwana
Yesu tangu Yerusalemu mpaka mwisho wa nchi. Roho mmoja aliyekwepo katika mwanzo
wa uumbaji na wakati wa utume wa Yesu, anapaswa kuiongoza kazi ya wanafunzi
wake.
Yesu aliyashiriki mamlaka yake na wanafunzi
wake ili wawatumikie watu, wakiwatendea mema. Kutokana na mfano wa kujisalimisha
kwake Kristo ushuhuda wao wa kwanza ni kujitolea kwao bila kipimo. Wanafunzi walitumwa kama wajumbe wa habari njema kwa
mataifa yote kwa sababu injili haina mpaka. Yesu alikuwa amewaahidia kuandamana
na safari yao mpaka upeo. Ingawa uwepo wake wa kimwili/fizikia hauwezi kuonekana
tena, Roho wake yu dhamana ya kwamba hawatendi peke yao katika kazi yao. Uwepo
wa Roho wa Yesu daima katika safari ya mitume yake umeyafanya maneno yao
ufanisi kupitia ishara nyingi na matendo mazuri. Kulingana na Mtakatifu Paulo,
Roho ambaye aliwapewa kwa jumuiya ya kwanza ni Roho wa umoja. Kupitia Roho huyo
tunaweza kumjua Mungu vizuri na kuishi katika umoja miongoni mwetu kama
anavyotarajia Bwana wetu. Kila mtu anaitwa kuchukua ahadi hii ya umoja kama
maana ya utambulisho. Katika jumuiya ya kikristo tumezipokea zawadi nyingi
kutoka kwa Mungu ili tuwe zawadi sisi kwa sisi, na kusaidia kujenga kwa mwili
mmoja, ambao ni takatifu na hai kwa sababu ni Roho mmoja anayetenda ndani yake.
Hili ni fumbo la uwepo wa Yesu katika kanisa lake ambalo ni mwili wake mwenywe
naye yu kichwa cha mwili huu.
Malaika waliwaambia wanafunzi wa kwanza na
wanatuambia siku ya leo: “mbona mmesimama mkitazama mbinguni?” Hakika kama
Wakristo tunahitaji kurudisha mtazamo wetu kwa Yesu, aliye mfano wetu na kichwa
chetu ili tuendeleze kazi yake kwa uaminifu, lakini hatuezi Kubaki wamesimama kutazama
mbinguni kama ishara ya uvivu, utazamaji na upoozaji. Bwana anatutaka tuwe waangalifu
na wenye ufanisi. “Wabarikiwa watumishi wale ambao watakuwa wakitumikia Bwana
wao atakaporudi”. Maisha
ya Kikristu ni kutafakari na kitendo, imani na matendo. Ishara za uwepo ufanisi
wa Yesu zinaonyeshwa kupitia mapendo ya wale wanaomwamini na wanazifuata nyayo zake.
Roho Mtakatifu afanye uwepo wa Yesu uwe ufanisi katika maisha yetu na kazi zetu
ili tuendelee utume wake kwa uaminifu.
Fr Ndega
Mapitio na marekebisho: Sarah
Nenhum comentário:
Postar um comentário