Kutafakari kutoka Isaya
35:4-7; Yak 2:1-5; Mk 7: 31-37
Kulingana
na somo la kwanza, Watu wa Israeli walikuwa wafungwa katika Babiloni na nabii
Isaya aliwatangaza wakati mpya, wakati wa ukombozi na furaha. Kulingana na
nabii Watu hawa ni kama vipofu ambao wanaishi gizani mwa Babiloni na hawapati
kuona njia ya kurudi nyumbani; tena wao ni kama walemavu ambao hawawezi kutumia
miguu yenyewe ili kuacha mahali ambapo walikuwapo; pia wao ni kama viziwi na bubu
kwa sababu waliyafunga masikio kwa Neno la Mungu. Hata hivyo Mungu atakuja
kuwaokoa kwa sababu watu hawa ni mali yake na awapenda. Tendo hili la ajabu ambayo
Mungu atatenda kwa ajili wa Watu wa Israeli yatachukuliwa na Yesu kwa watu wote
kwa sababu yeye ni wokovu wa Mungu kwa wote. Katika somo la pili Yakobu anawaalika
wakristo kushinda tabia ya ubaguzi katika jumuiya na kuthamini uwepo wa kila mtu
zaidi kuliko hali au uwezo wake.
Katika injili, matendo ya Yesu
yanatambuliwa na watu ambao walitangaza, “amefanya yote vyema: amewajalia
viziwi kusikia, na bubu kusema”. Uwepo wa Yesu umeleta wakati mpya ulimwenguni.
Katika Yeye ufalme wa Mungu umekuwa hali halisi, ukiwaalika wote washiriki.
Wakati aliutangaza ujumbe wake katika sunagogi ya Nazareti, mahali alipolelewa,
alikataliwa. Lakini alikaribishwa sana katika upande wa ziwa Galilaya, mahali
panapoitwa Dekapoli - yaani miji kumi. Kulingana na toleo la Mathayo, Galilaya ilifikiriwa
“nchi ya watu wa mataifa”. Uwepo wa Yesu unawafanya watu waliokaa “gizani”
waone mwanga mkubwa. Basi, ingawa watu hawa walikuwa na lugha na desturi
tofauti kwa ushusiano na wayahudi wa Yudea, walimtarajia Masiya kwa hamu sana.
Tunapata kufahamu hali hii kwa sababu Injili ya Marko iliandikwa kwa wakristu
wa huko Roma na lengo la injili hii yote ni kujibu kwa swali “Yesu ni nani?”.
Jibu kwa swali hili tunakuta katika wakati wa mwisho wa maisha ya Yesu kutoka
midomo ya jemadari mmoja wa Roma: “Kweli mtu huyu alikuwa Mwana wa Mungu!”
Kama Mwana
wa Mungu, lengo la Yesu ni kutangaza wokovu wa Mungu si kwa watu fulani tu,
bali kwa wote. Yesu alikuwa myahudi, bali hakawa mali ya Wayahudi. Ishara
zilizotumiwa na Yesu zilidhihirisha kwamba wokovu wa Mungu si mpango kwa wakati
ujao tu, bali unaanza katika historia na upo kwa wote. Wakati tunaongea kuhusu “watu
waliochaguliwa” tunamaanisha mpango wa hekma ya Mungu ambaye anatumia baadhi ya
watu ili kufikia wengine kwa urahisi. Kama hii, kutoka Waisraeli Yesu na
washirika wake walifikia wasio na Wayahudi pia wakitangaza habari njema ya
injili. Mtu yule aliletewa kwa Yesu alikuwa na matatizo mawili, yaani, alikuwa
bubu na kiziwi. Aliteseka sana na mara nyingi alikuwa mpweke kwa sababu hakuweza
kuwasiliana na wenzake kila alichofikiri au kutamani, na wao pia hawakueza
kuzungumza naye. Alitamani kukutana na Yesu na kupitia maisha mapya ili kufanya
uhusiano mwema na wengine. Kabla ya kufanya mwujiza Yesu anatazama juu mbinguni
kwa maana ni Mungu peke aliyemwezesha kumponya Bubu kiziwi.
Kama
wafuasi wa Yesu tunahamasishwa na uamuzi na ishara zake. Ujumbe wetu ni
mwendelezo wa ujumbe wake na kama yeye tunaalikwa kufanya mambo yote vema. Mtu
bubu na kiziwi ni ishara ya ugumu wetu wa kusikiliza Neno la Mungu na
kulitangaza kwa uaminifu. Lakini kupitia sisi hata kwa udhaifu wetu Yesu
anaendelea kufanya mambo makuu maishani mwa watu wengi. Injili haina mpaka; vivyo
hivyo ni matendo mema ya wakristo. Tunaalikwa kushinda vikwazo ambazo
vinatuzuia kuwakaribisha wengine na kuwa na unyeti mbele ya mahitaji yao. Kama
watu waliona mwujiza wa Yesu na kutangaza bila kuchoka, vivyo hivyo tunapaswa
kutangaza makuu ya Mungu ili watu wengine wapate maisha mapya.
Fr Ndega
Mapitio: Sara
Nenhum comentário:
Postar um comentário