Kutafakari kutoka Jo 6,
1-15
Mara nyingi injili zinasimulia kwamba Yesu anavuka ziwa.
Ikiwa haikuwa na maana maalum hata
kigezo, wainjilisti hawangekiongea sana. Mwendo huu unatafsiri njia sahihi ya
Yesu na wale ambao wako pamoja naye wanaalikwa kufanya vivyo hivyo. Kwa hivyo
kwa kawaida husemwa kwamba kuwa pamoja na Yesu ni kuwa dhidi ya mawazo ya
jamii. Kutafakari huku kunataka kuimarisha changamoto ya ungano huu na mshangao
inayokutwa katika ng’ambo hii.
Kwanza kabisa, katika ng’ambo hii Yesu anaukabili umati
wa watu, walio maskini, ambao wamekuisha pitia huruma yake kwa ajili ya
wagonjwa wao na walitambua katika yeye tabia sahihi ya binadamu ambayo inaweza
kutoka kwa Mungu peke yake. Yesu anachagua kuwako katika ng’ambo au katika
upande mwingine kwa sababu pale wako maskini, wagonjwa, wanaoteseka na walio na
njaa. Yesu hatoroki kutoka kwao, bali anawaendea, kuwezesha pia mwendo wa watu
hawa kwa yeye. Yesu anapanda mlima pamoja na wanafunzi wake. Mlima katika
Biblia mara nyingi una uhusiano na uzoefu wa ufunuo wa Mungu. Hali hii
inatukumbusha Musa alipopanda mlima ili kuongea na Mungu. Milima iliyojulikana
zaidi katika Biblia ni Horebu, iliyoalikwa pia “Mlima wa Mungu”; Sinai, ambapo
Mungu alianzisha Agano na watu wake; na Tabor, ambapo Yesu alijibadilisha mbele
ya wanafunzi wake. Ili kudhihirisha mpango wa upendo na ukombozi wa Baba, Yesu
alitafuta daima ushirika naye. Kutokana na mlima na mkutano na Mungu, Yesu
anaona vizuri mahitaji ya watu kandokando na mbele yake. Watu wana njaa and
hali hii inauvutia uangalifu na huruma ya Yesu. Haiweki hali hii kwa yeye
mwenyewe tu, bali anashiriki na wanafunzi wake, ikiwamo katika mwendo wa malezi
kwa uanafunzi. Kila kitu ambacho anatenda kwa ajili ya watu ni sehemu ya
kujifunza kwa wanafunzi.
Katika “shule” ya Yesu, tunakuta aina mbalimbali ya watu
na njia tofauti ya kumfuata Mwalimu. Kuna wanafunzi ambao kama Filipo wanafikiri
kwamba ni lazima kwanza kuwa na pesa nyingi ili baadye kumsaidia mtu
anayehitaji. Kuna wanafunzi kama Andrea ambao wanaamini kwamba ishara au ari
ndogo zinakaribishwa, lakini hazina nguvu kuyatoa maisha mapya kwa wale wanaopoteza
tumaini la kuishi. Kuna pia wanafunzi ambao kumfuata Mwalimu kwa uaminifu
wanawaambia watu kuketi kama wenye uhuru na wanaostahili maisha ya kustahiki,
ishara ya uzima wa milele. Aina hii ya mwanafunzi alijifunza kutumikia kwa kweli
na anasaidia kwa kito kinachothamini sana kwa njia nyingine ya jamii.
Katika mwendo huu wote kushirikiana kunaonekana kigezo kikuu,
kwa sababu watu wote walishiba, wakiepa mkusanyiko/ukusanyaji na ubadhirifu.
Kunatangaza ukweli mkubwa, ni kwamba, zawadi za uumbaji ni ukarimu wa Mungu,
zilifanyika kwa wote na zinapaswa kupatikana kwa wote. Ikiwa kuna watu bila
chakula ni kwa sababu kuna wengine wanaokusanya kwa wao wenyewe. Sisi sote tuna
ushiriki katika mateso ya maskini na wenye njaa. Uamuzi/ufumbuzi kwa mgogoro wa
kiuchumi katika mahali pengi pa ulimwengu si kununua au kuuza zaidi au chini ya
zaidi, bali ni katika kugawanya/kusambaza zaidi. Baadhi ya vielelezo miongoni
mwetu vinaonyesha kwamba inawezekana kupitia hali nzuri wakati kila mtu anatoa
kutokana na umaskini wake. Hati za Kanisa katoliki, zikiuita uangalifu wetu
kuhusu uovu wa miundo jeuri zinashutumu aina ya kuendeleza iliyochukuliwa
katika nchi maskini “imetajirisha baadhi ya watu milele kwa muda imesababisha
umaskini milele kwa wengine (Puebla n. 30).”
Katika mazingira haya, kama jumuiya ya kikristu, tuna
ahadi ya ushahidi halisi zaidi ili uwe kulingana na chaguzi za Yesu. Katika
maneno mengine, ushahidi wetu lazima kuwa ufunuzi wa unabii, unaodhihirisha
hali inayofichwa na yenye barakoa. Hofu ya kupoteza urafiki na upendeleo, mara
nyingi, inaifunga mikono yetu na inanyamazisha sauti yetu. Ikiwa hatupati kuwa
sauti ya wale wasio na sauti na wasio na nafasi, maisha yetu ya kikristu
yanamaanisha nini? Watu wengi hawana chakula. Ikiwa hali hii haisababishi
huruma na hasira kwetu, ujumbe wetu una maana gani? Umuhimu wa maisha yetu ni
Ekaristi takatifu kupitia hii tunampokea Yesu, Mkate wa uzima. Kupitia Ekaristi
tumeshiba njaa yetu ya Mungu na tunachukua ahadi ya njaa ya watu. Swali kuu
kutoka hali hi ni, ekaristi inashirikiwa kanisani inamaanisha nini ikiwa
hatupati kushiriki kile tunacho na mtu anayehitaji? Wakati mmoja tu awe bila
chakula mpango wa Ekaristi hautakamilika. Siku hizi zaidi kuliko zamani ni
lazima kupita kwa upande mwingine ikiwa tunataka kuandamana na Yesu ili kufanya
utofauti maishani mwa watu.
Fr Ndega
Mapitio: Sara
Nenhum comentário:
Postar um comentário