Kutafakari kutoka Yeremia 31:31-34;
Waebrania 5:7-9; Yohana 12:20-23
Liturujia
hii inatuandaa kuingia na juhudi katika maadhimisho ya fumbo la “Saa” ya Yesu,
ambayo inajumuisha mateso, kifo na ufufuko wake, kupitia hiyo atatukuza Baba na
atamaliza kazi yake. Kazi ya Mwana ni Agano Jipya lililoandikwa moyoni mwetu
kupitia ubatizo wetu. Katika upya wa ahadi yetu kwa Agano hili tukaribishe
nguvu ya chembe ya ngano ambayo inakufa ili nyingine iweze kuishi.
Somo la kwanza
linaongea kuhusu Agano jipya, ambalo Mungu ataanzisha na Watu wake. Itakuwa
tofauti sana ya Agano la kwanza lililoandikwa katika mawe na likakubali kwa
jibu la juu juu. Tabia kuu ya agano hili jipya ni uhusiano udani kati ya Mungu
na watu wanaoalikwa kuendeleza Neno la Mungu lililoandikwa moyoni mwao. Basi,
Mungu anaongea na watu wake kutoka moyo kwa moyo ili wahisi kuhimizwa na
kubadilishwa kwa upendo wa huruma. Bila msamaha hakuna maridhiano, hakuna upya
pia. Uaminifu na hisia ya miliki kwa Mungu itakuwa utambulisho upya wa watu
hawa: “Nitakuwa Mungu wao na watakuwa watu wangu”, asema Bwana. Kulingana na
mwandishi wa Waraka wa Waebrania, kupitia utii kwa mapenzi ya Mungu, Yesu
alifanya Agano hili Jipya na ufafanuzi, kukubali kuteseka na kutoa maana mpya kwa
mateso ya binadamu. Kupitia uzoefu huu, alijifunza maana ya kitambulisho kwake
na ubinadamu wenye mateso, kuongoza njia ya kuijisalimisha maisha kwa upendo
ili wote wawe na maisha mapya na bora.
Injili
inaongea kuhusu mkutano ambao ulianza kwa ombi: “tunataka kumwona Yesu”. Hali
halisi ilikuwa sherehe ya Pasaka. Wagiriki pamoja na watu wengine walikuja Yerusalemu
kushiriki katika tukio kuu la utambulisho wa Wayahudi. Wanamfikia Yesu kupitia
wawili kati ya wanafunzi wake ambao walikuwa na majina ya kigiriki, ni kwamba,
Andrea na Filipo. Tamani ya Wagiriki kumwona Yesu inaendelea zaidi ya udadisi
rahisi wa kutaka kuona mtu maarufu. Ombi lao ni kujua bora kuhusu utambulisho
wa Yesu ili kuitumia maisha yao na yeye kwa yeye kama ilitokea na wanafunzi wa Yohana
Mbatizaji wanaotaka kupaona mahali Yesu alipoishi na akawaambia, “njoni nanyi mtaona”.
Ni mwaliko kufanya uzoefu. Hakuna njia nyingine kumjua Yesu. Katika injili siku
ya leo Yesu anajionyesha kuongea kuhusu “Saa yake” kupitia mfano wa Chembe ya
ngano. Saa hii inajumuisha mateso, kifo na ufufuko wake. Kama hii, mkutano na
Yesu ya kweli ni kulishiriki fumbo la kujisalimisha kwake kwa upendo. Katika
njia hii, mtu anaweza kuona maana ya kweli ya maisha na sababu ya kweli ya utafutaji
kwa Mungu.
Kumwona Yesu
ni tamani yenye nguvu ya moyo wa binadamu, kwa sababu Yesu anadhihirisha Baba,
yeye ni ishara hai ya Mungu. Yeye ni njia ambayo inawaongoza watu kwa Baba;
yeye ni ukweli wa Mungu kuhusu binadamu na ukweli wa binadamu kwa Mungu; yeye
ni uhai, ambao ni zawadi kuu ya Mungu, iliyotimizwa na Mwana wake. Maisha ya
Yesu nzima ilikuwa ya utupu kabisa (Kenosis,
neno la kigiriki), akichukua njia ya mtumishi, kwa sababu alikuja kutumikia
si kutumikiwa. Kama hii, kila mtu anayetaka kumfuata lazima kufanya vivyo hivyo.
Mafundisho ya Yesu mazima ni mwaliko kufikiri na kutenda tofauti kuhusu mawazo
yaliyopo. Kulingana na Yesu ni lazima kuwa mtu wa mwisho ili kuwa mtu wa
kwanza; kuitoa maisha ili kuipokea; kufa ili kuishi na kuwafanya wengine kuishi
bora. Kama sisi ni watumishi kwa kazi hiyo ni kwa sababu tumepata imani ya
Mwalimu Yesu anayetangaza, “ninawajua wale ambao nimewachagua”. Yesu anatujua
kwa ndani na anatuita kumfuata, kuitoa maisha kama alivyotutolea. Hivyo, mtu
ambaye anajisalimisha kwa Mungu ili kutumikia ndugu zake anajiunga na katika ushirikiano
sawa ambao Mwana huanzisha na Baba. Maadhimisho ya Ekaristi yatusaidie katika
ahadi yetu ya ubatizo, kutuhamasisha kutumikia katika jumuiya kwa furaha na
ukarimu.
Fr. Ndega
Mapitio: Rose Mong'are
Nenhum comentário:
Postar um comentário