Mdo. 10: 25-26, 34-35, 44-48; 1Yoh. 4:
7-10; Yoh 15: 9-17
Mungu hawabagui watu kwa sababu anawapenda na katika upendo hakuna ubaguzi.
Hivyo kuabudu kwa kweli kuandamana na kuishi kwa haki na undugu. Haiwezekani
kumwabudu Mungu kwa kinywa peke yake na kuwa na moyo mbali sana naye. Ndiye
Roho Mtakatifu ambaye anamwezesha yeyote kuwa na uhusiano wa kweli na Mungu.
Ulikuwa hivyo uzoefu wa Petro nyumbani mwa Kornelio. Wakati Roho Mtakatifu alipowashukia
wale waliolisikiliza Neno la Mungu kupitia kinywa chake Petro, alidhibitisha
kwamba Mungu ndiye Baba aliye na macho kwa tamani ya moyo wa watoto wake
wanaomwomba kwa imani sio muhimu taifa lake la asili. Mbele ya Mungu hakuna mtu
aliye na heshima kuliko mwingine hata ikiwa mtu fulani ana upendeleo mbele ya wengine.
Mungu anatarajia tu tuweze kujifunza kutoka kwake njia kamili ya kufikiri na kutenda.
Mtakatifu Yohana katika waraka wake anawaalika watu kupendana kwa sababu upendo
unatoka kwa Mungu na wale wanaopenda wana asili yao katika Mungu na kumjua
Mungu. Basi, kupenda ni kujua. Mungu anajua kwa sababu anapenda. Kumjua Mungu
ni kumpenda, yaani, kuishi naye uhusiano wa ndani. Mungu ni upendo na kuwapenda
watu mno hata alimtoa Mwana wa pekee kama maonyesho makuu ya upendo huu ili
awafundishe watu jinsi ya kupenda kwa kweli. Kutokana na uzoefu huu tulipata uhai
wa Mungu. Yeye anajua kwamba hatuwezi kumpenda hivyo lakini anatarajia angalau
tupende wengine kama ndugu.
“Mwana alitupenda kama Baba anavyompenda”. Andiko hili la injili ni sehemu
ya ujumbe wa Yesu wakati wa Karamu ya Mwisho. Yaliyomo ya ujumbe huu ni urithi
wake kwa wale ambao wanapaswa kwendelea kazi yake. Umuhimu wa mafundisho ya
Yesu ni kupenda. Upendo una chanzo chake katika Mungu kwa sababu Mungu ndiye
upendo na kumpenda Mwana. Uwepo wa Mwana miongoni mwa wanadamu uliufanya upendo
huu ujulikane. Upendo ni hali ya ndani ya Mungu; huu ni maana ya ushirikiano
wake. Wanadamu ni matokeo ya ushirikiano huu na kualikwa washiriki katika
ushirikiano huu sawa, kwa kupitia upendo wa Kristo. Kipimo ili tukae katika
upendo wake ni kuishi mafundisho yake, yaani, kupendana kama alivyotupenda na
kujitoa kwetu. Yesu halazimishwi kutupenda. Upendo wake ni maonyesho ya furaha
yake, yaani: furaha ya ushirikiano wake na Baba, furaha ya kuishi miongoni mwa
wanadamu, furaha ya kuwachagua wanadamu kama washirika katika kazi yake, furaha
ya kujitolea kwa ajili yetu. Tukibaki katika upendo wake, Yesu anahakikishia
furaha kubwa kwetu kwa sababu kwake hali ya upendo unaihusu furaha. Hivyo, mtu
tu anayependa kwa kweli ni mwenye furaha ya kweli.
Upendo ni maana ya wokovu wa ulimwengu, kwa sababu ilikuwa kwa upendo
kwamba Mwana wa Mungu aliyatoa maisha yake. Kulingana na Yesu, kipimo cha
urafiki wa kweli ni kuyasalimisha maisha kwa upendo. Yesu ni rafiki yetu kwa
sababu alifanya hivyo vizuri sana. Alituchagua na kututuma tuyazae matunda, na
matunda yanayodumu. Tutakuwa marafiki zake ikiwa tuwe na ujasiri wa kupenda
kama yeye alivyopenda. Anajitambulisha na wale wanaotumwa kwa jina lake.
Utambulisho huu ni matokeo ya upendo wake ndani yetu kwa sababu tabia ya upendo
ni kuuzaa utambulisho na kusababisha hisia ya kujiungana na mtu fulani. Ikiwa tunakaa
katika upendo yake tutakuwa watu wa ushirikiano na kuweza kutoa ushirikiano
katika jumuiya zetu. Huu ni ushuhuda wetu wa kwanza: “Mwone kama wanavyopendana”!
Ilikuwa maoni kuhusu Wakristu wa Kwanza. Upendo wao ulionyeshwa kupitia ridhaa
wao kwa wao, kushiriki pamoja, uvumilivu katika maombi pamoja na unyenyekevu wa
moyo. Je, maisha yetu ni maonyesho ya yale ambayo sisi huamini? Itawezekanaje
jumuiya zetu kuishi hali hiyo ya Jumuiya za Kwanza?
Pamoja na kuuzaa ushirikiano katika
jumuiya, upendo unatufungua kwa watu wengine nje, wanaohitaji kukaribishwa pia.
Ndio kuhusu upendo huu ambao Yesu anatuambia siku ya leo, yaani, upendo tofauti
ya mawazo ya jamii, upendo ulio na tabia ya kujitolea na kujisalimisha bila kuwabagua
watu. Tunaalikwa kujifunza kutoka kwa Mungu anayewapenda wote lakini ana upendo
maalum kwa maskini na wale ambao hawana nguvu. Vivyo hivyo, kama anavyotenda akinamama
ambao wanawapenda watoto wake wote, lakini wana utunzaji maalum kwa mtoto
mgonjwa. Kwa maneno mengine, tunaalikwa kupenda hasa wale ambao sio muhimu wala
wanaweza kutupenda kwa kipimo sawa. Ahadi yetu ya Kikristo ndiyo kukaa katika
upendo wa Kristo ili tukute msaada na msukumo kwa kupendana na kuwa macho kwa
hali ya wale wanaohitaji zaidi katika jumuiya zetu.
Fr Ndega
Nenhum comentário:
Postar um comentário