WAFUASI WENGINE WA YESU

 

Tafakari kutoka Nm 11, 25-29; Yak 5, 1-6; Mk 9, 38-43. 45. 47-48

 

    Mungu habagui mtu yeyote kwa sababu anapenda na katika upendo hakuna ubaguzi. Katika andiko la kwanza la tafakari yetu, Yeye anatarajia kwamba watu wake wote wawe manabii, kwa kulikisikia Neno lake na kuongea kwa jina lake. Zawadi za Roho wake hutusukuma kutenda mema kwa kila mtu, kwa kuthibitisha kuwa upendo wake hauna mipaka. Hakuna mtu anayepaswa kutumia zawadi alizopokea kwa ajili yake mwenyewe ama kufikiria kuwa yeye ndiye aliye na upendeleo wa Mungu. Mbele yake hakuna mtu aliye na hadhi zaidi ya wengine.

    Katika andiko la pili, Mtakatifu Yakobo anakosoa vikali wale wanaotajirika kwa njia ya udhalimu, kuwanyima wafanyikazi mishahara yao. Waathiriwa wa hali hii hawasahauliwi na Mungu ambaye analaani aina zote za ukosefu wa haki na usawa kati ya watu. Ukosoaji huu unatumika pia kwa wale wote wanaotegemea zaidi vitu walivyo navyo kuliko Mungu. Mtu anapokufa hawezi kuchukua chochote naye. Kwa hivyo, tabia ya kujilimbikiza ni upumbavu.

    Katika injili wanafunzi wanamzuia mtu kutoa pepo kwa jina la Yesu kwa sababu hakuwa wa kikundi teule cha wale Tenashara. Mwanamume, ambaye alimkomboa mwingine kutoka kwa uovu na kumtoa maisha mapya, amezuiliwa na wafuasi wa Yesu. Hao waliweka taasisi hiyo kwanza kuliko binadamu, wazo lao kuliko mtu aliye na shida: wagonjwa wanaweza kusubiri, furaha inaweza kusubiri. Tunaona kwamba bado wanakosa utambuzi, uwazi na kufungwa.

     Yesu anapinga wazo hili kwa kusema kwamba mtu yeyote ambaye husaidia ulimwengu kujikomboa na kufanikiwa ni wetu. Mtu yeyote anayepanda upendo ni wetu, na hivyo ni wa Kristo. Tufikirie ni wangapi wanafuata Injili halisi, bila hata kujua, kwa sababu wanafuata upendo. Mtu anaweza kuwa wa Kristo bila kuwa mwana wa kundi la Tenashara. Mtu anaweza kuwa wanaume na wanawake wa Kristo, bila kuwa wanaume na wanawake wa kanisa, kwa sababu ufalme wa Mungu ni mkubwa kuliko kanisa, hailingani na kikundi chochote. Kisha tujifunze kufurahia na kushukuru kwa mema yaliyofanywa na yeyote.

    Wakati tunapobaki kutafiti ni nani aliye wetu au la, tunakosa nafasi ya kusaidiwa kutenda mema kwa ufanisi. Tufikirie juu ya yale mema tunashindwa kutenda kwa sababu ya ugumu wetu wa kutenda pamoja na wengine. Tujiulize ikiwa tunataka kukuza ufalme wa Mungu au sisi wenyewe? Kashfa kubwa ni kuwa kikwazo kwa wale wanaotaka kumwamini Yesu. Kufungwa kwa wale walio tofauti nasi ni kizuizi kinachotuzuia kuzaa matunda. Kwa upande mwingine, Yesu ndiye mtu asiye na vizuizi, bila mipaka, ambaye mpango wake ni mmoja tu: ninyi nyote ni ndugu na dada. Alitaka kujenga udugu wa ulimwengu wote, akiwafanya watu wote wawe watu mmoja, yaani Watu wa Mungu.

Fr Ndega